مفيش حاجة اسمها فشلت،
وياريت كنت عملت
ولا حتى ما عملت
امسك في أحلامك
حتى لو كانت جمرة نار واحترقت
امسك فيها طول ما تنفست.
*****
بلاش تقتل حلمك
امسك فيه وكمان أحلم،
بس في السكة ها تتألم،
ومش على كل حاجة تتندم
كفايه انك حاولت
و مالحاوله تتعلم
******
هو الألم ليه اتخلق؟
مش عشان نحمي حلم ها يتحَرق،
قول بكره ها كون اقوى
هو الصبر ليه اتخلق ؟
يا حبايبي
يا شباب
انتو لسه يا دوب عالباب
احلموا احلام كبيرة
دي الحياة لسه طويله
الحياة كلها علاقة حب
حب نفسك وأحلامك
الحياة ما تنتهيش بكسرة قلب
تنتهي أما تدفن أحلامك
الحياة انك تقع وتقوم وتكمل
الحياة انك لليأس أبدا ما تسلم
متضايق؟
شجع نفسك
مقفله معاك؟
سمع ربنا حسك
إنما
إياك تحرق حلمك
وتعيش أسير وهمك
وزميلك أحسن منك
قاعد تتحسر وتعض صابعك
ياخيبتك
ياريتها خلفت راجل بدالك
ليست هناك تعليقات:
إرسال تعليق